असार १५ ,काठमान्डौ – पछिल्लो २४ घन्टामा नेपालभरीबाट थप २,६३६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ७ हजार २५९ जनामा गरिएको पीसीआर परीक्षणमा १ हजार ७२८ र ४४८९ एन्टिजेन परीक्षणमा ९०८ गरी २,६३६ जनामा संक्रमण पुष्टि भएको हो ।
यो संगै कोरोना संक्रमण हुनेको संख्या ६ लाख ३६ हजार ९१६ पुगेको छ । त्यस्तै २४ घण्टामा ४ हजार ३४८ जना कोरोना संक्रमणमुक्त भएका छन् । हाल कोरोना संक्रमण भइ निको हुनेको संख्या ५ लाख ९२ हजार ५३५ पुगेको छ ।
त्यस्तै कोरोना संक्रमणका कारण २० जनाको मृत्यु भएको छ । यो पछि कोरोनाबाट मर्नेको संख्या ९ हजार ७१ पुगेको छ । स्वास्थ्य मन्त्रालयका अनुसार देशभरमा सक्रिय संक्रमितको संख्या ३५ हजार ३१० जना रहेको छ ।
