असोज ४ काठमाडौं- गत पछिल्लो २४ घण्टामा थप १ हजार ९५ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ७८६ पीसीआर परीक्षणमा ९७५ जना र ३०३१ एन्टिजेन परीक्षणमा १२० जना गरी १०९५ जनामा संक्रमण पुष्टि भएको हो ।
यस्तै पछिल्लो २४ घण्टामा थप २ हजार ९५७ जना संक्रमणमुक्त भएका छन् । सोमबार थपिएसँगै नेपालमा कोरोना संक्रमितको कुल संख्या ७ लाख ८५ हजार ५४१ पुगेको छ । हाल सम्म निको हुनेको कूल संख्या ७ लाख ५२ हजार १७० रहेको मन्त्रालयले जनाएको छ।
त्यस्तै कोरोना संक्रमणका कारण ८ जनाको मृत्य भएपछि हाल सम्म देशभर कोरोनाबाट ज्यान गुमाउनेको संख्या ११ हजार ४८ पुगेको । मन्त्रालयका अनुसार हाल देशभर सक्रिय संक्रमितको संख्या २२ हजार ३२३ रहेको छ ।
जसमध्ये २० हजार ८९१ जना होम आइसोलेसनमा र १४३२ जना संस्थागत आइसोलेसनमा छन्। कोरोनाका बिरामीमध्ये ३७१ जना आईसीयू र १०८ जना भेन्टिलेटरमा उपचाररत् रहेको स्वास्थ्य मन्त्रालयले जनाएको हो।
