असोज १२ ,काठमाडौं- गत २४ घन्टामा नेपालभरीबाट थप १ हजार १५८ जनामा कोरोना संक्रमण फेला परेको छ। स्वास्थ्य तथा जनसंख्या मन्त्रालयका अनुसार ११ हजार ६ सय ७२ पीसीआर परीक्षण गर्दा ९०४ जना र २ हजार ३३१ एन्टिजेन परीक्षण गर्दा २५४ गरी १ हजार १५८ जनामा कोरोना भाइरसको संक्रमण देखिएको हो।
यसतै मन्त्रालयका अनुसार २४ घन्टामा १,३१८ जना निको भएका छन् भने १२ जनाको मृत्यु भएको छ ।आजको मितिसम्म नेपालमा कोरोना संक्रमितको कुल संख्या ७ लाख ९३ हजार २७१ पुगेको छ भने डिस्चार्ज हुनेकोसंख्या ७ लाख ६३ हजार ७३४ पुगेको छ।
यस्तै हाल सम्म कोरोनाबाट मर्नेको संख्या ११ हजार ११५ पुगेको छ । हाल देशभर सक्रिय संक्रमितको संख्या १८ हजार ४२२ जना रहेको स्वास्थ्य तथा जनसंख्या मन्त्रालयले जनाएको छ।
