काठमाडौँ – कांग्रेसको १४ औ महाधिवेशनको नेतृत्व चयनको सभापति पदको मत गणना आजै हुने निर्वाचन समितिले जनाएको छ।
निर्वाचनमा ४ हजार ७ सय ४३ जना प्रतिनिधि सहभागी रहेका छन् भने राति ९ बजे सम्म ४ हजारभन्दा बढीले मतदान गरिसकेको आयोगले जनाएको छ। यस्तै आयोगले ९ बजे सम्म तोकेको मतदान समय १० बजे सम्म बढाएको छ।
मतदान सकीएलगतै बैठक बसेर सभापति चयनमा अपरेको मतदान गणना हुनसक्ने निर्वाचन समितिका सचिव जगन्नाथ श्रेष्ठले रंग दर्पणलाई बताए। बिहान १२ बजे देखि मतदान शुरु भएको थियो।
सभापति पदमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धामा उत्रिएका छन्। यसपालि कांग्रेसमा ४ हजार ७४३ जना महाधिवेशन प्रतिनिधि छन्।यो महाधिवेशनले १३ पदाधिकारीसहित १३४ पदमा नयाँ नेतृत्व चयन गर्नेछ ।
