काठमाण्डौ – गत २४ घन्टामा नेपालमा थप ३ हजार १७५ जनामा कोरोना संक्रमण देखिएको छ। देशभरि १२ हजार ६०५ जनाको नमुना परीक्षण गर्दा पीसीआरबाट २७४२ र एन्टिजेनबाट ४३३ जनामा संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ।
त्यस्तै पछिल्लो २४ घन्टामा थप ८ हजार ७२३ संक्रमित कोरोनामुक्त भएका छन् भने थप १४ जना संक्रमितको मृत्यु भएको छ। मन्त्रालयका अनुसार नेपालमा हाल ६३ हजार २९६ सक्रिय संक्रमित रहेका छन्।
