दाङ- दाङमा सासुको हत्या गर्ने महिला पक्राउ परेकी छिन। घोराही उपमहानगरपालिका वडा नम्बर १९ खानी गाउँका ५५ वर्षीया इन्द्रकुमारी घर्तीको हत्या अरोपमा प्रहरीले दुई जना महिलालाई पक्राउ गरेको हो।
पक्राउ पर्नेमा मृतक घर्तीकै बुहारी २३ वर्षीया बसन्ती घर्ती र अर्की २२ वर्षीया दुर्गा घर्ती रहेका छन्। घर नजिकै न्वारन खान गइ घर फर्कर्ने क्रममा उनिहरले सासुलाई टाउकोमा मुंग्रो प्रहार गरी हत्या गरेको प्रहरीले जनाएको छ।
मुंग्रो प्रहारबाट गम्भीर घाइते घर्तीलाई ढिकबाट खसालेर हत्या गरेको उनीहरुले बयान दिएको जिल्ला प्रहरी प्रवक्ता डीएसपी मुकुन्दप्रसाद रिजालले जानकारी दिए। पक्राउ परेकालाई अनुसन्धान गरि कारबाही अगाडी बढाईएको रिजालले बताए।
