काठमाडौं – गत सोमबार दुर्घटनाग्रस्त भएको चाइना इस्टर्न फ्लाइटको बोइङ ७३७-८०० विमानमा सवार रहेका सबै यात्रुको मृत्यु भएको पुस्टि भएको छ।
दक्षिणी चीनको पहाडमा दुर्घटनाग्रस्त भएको १३२ जना यात्रु सहितको विमानबाट अहिलेसम्म कोही पनि जिवित व्यक्ति फेला नपरेको उद्धारकर्मीहरुले बताएका हुन् ।
चाइना इस्टर्न फ्लाइटको एम.यु.५७३५ विमान गत सोमबार गुआङ्सी प्रान्तको पहाडमा ठोकिएर दुर्घटनाग्रस्त भएको थियो ।
३ दिनसम्म पनि यात्रुहरुको बारेमा जानकारी नहुँदा यात्रु र चालक दलका परिवारमा अन्योल छाएको थियो।दुर्घटनाग्रस्त क्षेत्रको भूगोल अप्ठेरो भएका कारण उद्धारमा कठिनाई आएको हो । विमान दुर्घटना भएको क्षेत्रमा ठूलो आगलागि भएको थियो।
