काठमाण्डाै- तारा एयरले पोखरा-जोमसोमको लागि एक साता उडान भर्न नपाउने भएको छ।
शुक्रबारेदखि जेठ २७ सम्मका लागि उडान बन्द गरिएको तारा एयरले जनाएको छ ।
बिहीबार सूचना जारी गर्दै तारा एयरले विशेष कारणवश उक्त रुटमा उडान बन्द गरिने भएको जनाएको हो । सूचनामा पोखरा-जोमसोम र जोमसोम-पोखराको उडान बन्द गरिएको तारा एयरले जनाएको छ।
पोखरा नागरिक उड्डयन कार्यालयका सूचना अधिकारी देवराज सुवेदीले आफूले पनि समाचारबाट नै जानकारी भएको बताए । तारा एयरका पोखरा प्रमुख राम लामिछानेले उडान बन्द बारे केहि पनि बोल्न चाहेनन् । आइतबार विहान पोखराबाट जोमसोमको लागि छुटेको तारा एयरको विमान दुर्घटना भएको थियो । मुस्ताङको थासाङ गाउँपालिका २ सानुसरेमा भएको जहाज दुर्घटनामा २२ जनाले ज्यान गुमाएका छन्।
