काठमाडौं – नेपालगञ्जमा सेना परिचालन गरिएको छ । दुई धार्मिक समूहबीच झडप भएपछि स्थितिलाई नियन्त्रणमा लिन सेना परिचालन गरिएको बताइएको हो।
हिजो मुस्लिम समुदायले गरेको विरोध प्रदर्शन र आज ओमकार परिवार हिन्दु समाजले निकालेको र्यालीपछि अवस्था तनावग्रस्त बनेको छ।
दुईसमूहमा भएको विभिन्न झडपमा प्रहरीले दर्जनबढी अश्रुग्याँस प्रहार गरेको छ । साँझसम्म आठ जना घाइते भएका छन् ।
आज दिउँसो १ बजेदेखि कर्फ्यु लगाए पनि अवस्था तनावग्रस्त रहेको बताइन्छ ।
