काठमान्डौ – प्रधानमन्त्री पुष्पकमल दाहाल प्रचण्डलाई लिएर भूकम्प प्रभावित क्षेत्रमा गएको नेपाली सेनाको हेलिकप्टर घाइतेको उद्धारमा प्रयोग भएको छ ।
प्रधानमन्त्री प्रचण्ड नेपाली सेनाको एमआई–८ हेलिकप्टरमा चढेर बिहान जाजरकोट र रुकुम पुगेका थिए ।
तर प्रधानमन्त्रीले सुर्खेतबाट दिउँसो साढे २ बजे काठमाण्डौ फर्कने र उनि चढेको हेलिकप्टर घाइतेको उद्धारमा प्रयोग हुने सचिवालयले जनाएको छ ।
प्रचण्डले जाजरकोटको नलगाडबाट सुर्खेत फर्कने क्रममा ७ जना घाइते र कुरुवालाई आफू चढेकै हेलिकप्टरमा उद्धार गरेका हुन।
उनले विभिन्न क्षेत्र र अस्पतालमा पुगेर भूकम्प पीडितसँग कुराकानी गर्दै सरकारी निकाय र सेना प्रहरीलाई उद्धार र राहतमा कुनै कमी हुन नदिन निर्देशन दिएका हुन। कार्तिक १८
