काठमान्डौ – नागरिक उन्मुक्ति पार्टीका संरक्षक रेशमलाल चौधरीलाई रिहा नगरे देशमा आगो बाल्ने एलिजा गौतमले बताएकि छिन। नायिका एलिजा गौतम हाल उक्त पार्टीको केन्द्रीय सदस्य समेत रहेकि छिन।
टीका पुर घटनामा दोषी ठहर गर्दै जिल्ला र पुनरावेदन अदालतले चौधरीलाई जन्मकैदको फैसला गरेको थियो। उक्त फैसलालाई सर्वोच्च अदालतले हिजो सदर गरेपछि नागरिक उन्मुक्ति पार्टीले नेपाल बन्दको घोषणा समेत गरेको हो।
नागरिक उन्मुक्ति पार्टी (नाउपा)ले यही जेठ ६ गतेदेखि १० गतेसम्म नेपाल बन्द गर्ने घोषणा गरेको छ।
पार्टीका संरक्षक रेशमलाल चौधरीलाई सर्वोच्च अदालतले जन्मकैदको फैसला गरेको विरोधमा नाउपाले नेपाल बन्द लगायत कार्यक्रम गर्ने तयारी गरेको पार्टीका बरिष्ठ उपाध्यक्ष दामाेदार पण्डितले बताए। यसबारे नाउपाले प्रेसविज्ञप्ति मार्फत जानकारी दिएकाे छ।
विज्ञप्तिका अनुसार सरकारले लाल आयोगको प्रतिवेदन सार्वजानिक नगरे जेठको ३, ४ र ५ गते देशव्यापी राँके जुलुस प्रदर्शन, कोण सभा गर्ने र जेठ ६ गतेदेखि १० गतेसम्म नेपाल बन्दको घोषणा गरेकाे छ।
पार्टीका संरक्षक चौधरीलाई रिहा गर्नुपर्ने मुख्य सर्त नाउपाको छ। त्यसको लागि नाउपाकै पहलमा कानुन संशोधनका लागि विधेयक संसद्मा पेस गरिएको थियो।
तर मंगलबार सर्वोच्च अदालतले उच्च अदालतकै आदेश सदर गरेपछि त्यो बाटो पनि बन्द भएको छ। त्यस पार्टीबाट अध्यक्ष रञ्जिता श्रेष्ठ पुष्पकमल दाहाल नेतृत्वको सरकारमा भूमि व्यवस्था, सहकारी तथा गरिबी निवारणमन्त्री छन्। उनी रेशमकी पत्नी हुन्। रेशमको मुद्दा फिर्ता हुनपर्ने सर्तमा उनि सरकारमा गएकी हुन्। जेठ् ३
