सुर्खेत – नेकपा माओवादी केन्द्र निकट अखिल क्रान्तिकारीकि अध्यक्ष पञ्चा सिंहसहित ६ जनालाई पक्राउ गर्न प्रहरीले अनुमति पाएको छ ।
१५ वर्षअघिको हत्या सम्बन्धी घटनालाई लिएर पक्राउ गर्न प्रहरीले अनुमति पाएको हो।
सुर्खेत प्रहरीका अनुसार कालिकोटका १७ वर्षीय राजबहादुर मल्लको हत्यामा संलग्न रहेको आरोपमा उनीहरुलाई पक्राउ गर्नका लागि अदालतबाट शुक्रबार पक्राउ अनुमति पाएको हो ।
प्रहरीका अनुसार किटानी जाहेरीमा नाम उल्लेख भएका कालिकोटको महावै गाउँपालिका स्थायी ठेगाना भएका सिंहसहित ‘टाइगर’ भनिने पदमबहादुर रावत, ‘गुराँस’ भनिने बालकृष्ण सिंह, टंकबहादुर सिंह, कालिकोटकै खाडाचक्र नगरपालिकाका ‘सुभाष’ भनिने वीरबहादुर मल्ल र ‘अशोक’ भनिने अलि कार्कीविरुद्ध पक्राउ पूर्जी जारी भएको हो ।
प्रहरीले २०७९ साउन १३ गते पक्राउका लागि पुर्जी माग गरेको थियो । २०६५ फागुन २६ गते सुर्खेतको वीरेन्द्रनगरस्थित जन माविमा अध्ययनरत राजबहादुरको खुकुरी प्रहार गरी हत्या गरिएको बताइएको छ ।
जिल्ला प्रहरी कार्यालय सुर्खेतका प्रवक्ता, प्रहरी निरीक्षक कृष्णबहादुर खड्काले पुरानो मुद्दाको अनुसन्धान अघि बढेको बताए ।
आफू विरुद्ध पक्राउ पुर्जी जारी भएपछि अध्यक्ष पञ्चा सिंहले
सत्य तथ्य घटनाको छानबिन गर्न प्रहरीलाई कुनै रोक तोक नभएको बताइन् । माघ ७
