असार ३१ ,रुकुम पश्चिम – रुकुम पश्चिम सोती ८ घटनाका फरार ५ अभियुक्तलाई पनि पुर्पक्षका लागि कारागार चलान गरिएको छ ।
रुकुम जिल्ला अदालतले थुनामै राखेर उनीहरुलाई थप अनुसन्धान गर्न आदे शदिएको हो ।
अदालतमा भएको अभियुक्तको बयान तथा वादी र प्रतिवादी वकिलको थुनछेक बहसपछि उनीहरुलाई पुर्पक्षका लागि पठाउने आदेश दिएको निमित्त श्रेस्तेदार लक्ष्मण विकले जानकारी दिएका हुन् ।
उनका अनुसार चौरजहारी नगरपालिका, ८ का तुलराम घर्ती, क्वापे भनेर चिनिने लोकेन्द्र घर्ती, सौरभ पुन र डिल्ली घर्ती मंगलबार अदालतमा उपस्थित भएका थिए ।
५ जना मध्ये भीमबहादुर घर्ती असार २८ गते जिल्ला अदालतमा आफैं हाजिर भएका थिए ,अदालतले उनको बयान र बहसपछि पुर्पक्षका लागि सोही दिन कारागार चलान गरेको थियो ।
हाल सम्म सोती घटनामा ३४ जनालाई पुर्पक्षका लागि थुनुवामा राख्न अदालतले दिएको छ ।
ति मध्ये २ जनालाई उमेर नपुगेको भन्दै बालसुधारगृहमा पठाइएको छ । गत जेठ १० गते रुकुम पश्चिमको सोती ८ मा जाजरकोट भेरी नगरपालिकाका ६ जना युवकको हत्या भएको थियो।
उनीहरु सबैको शव भेरी नदीमा अफेला परेको थियो। घटनाको छानबिनमा प्रेममा जातीयताको कारण देखाई हत्या गरेको खुल्न आएको हो।
यो पनि
