साउन २ ,पोखरा – कास्कीको माछापुच्छ्रे गाउँपालिका ८ मा पहिरो जाँदा एकै परिवारका तीन जनाको मृत्यु भएको छ ।
स्थानीय प्रेमराज विकको घरलाई शुक्रबार बिहान पहिरोले पुरेपछि उनका नातिहरु १६ वर्षीय कुशल विक, १४ वर्षीय समिर विक र १६ वर्षीया नातिनी रोजिना विकको मृत्यु भएको कास्की प्रहरीका प्रवक्ता डीएसपी सुवास हमालले जानकारी दिए।
उनीहरु घरको कोठामै सुतिरहेकोबेला पहिरोले घर पुरेको थियो। प्रेमराज र उनकी श्रीमती भने सकुशल रहेको प्रहरीले जनाएको छ ।
