माघ १५,लाहोर : पाकिस्तानको पञ्जाब प्रान्तमा १४ वर्षीय बालकले अनलाइन गेम ‘पब्जी’ को प्रभावमा आफ्नी आमासहित तीन भाइबहिनीलाई गोली हानेर हत्या गरेका छन्।
गत साता लाहौरको काहना क्षेत्रका ४५ वर्षीय स्वास्थ्यकर्मी नाहिद मुबारक, उनका २२ वर्षीय छोरा तैमुर र १७ र ११ वर्षीया दुई छोरीको शव फेला परेको थियो।
प्रहरीका अनुसार नाहिद मुबारकको सम्बन्धविच्छेद भइसकेको थियो। परिवारमा नाहिद मुबारकका १५ वर्षीया छोरा मात्र सुरक्षित थिए।
बयानमा भनिएको छ , ‘केटा पब्जी खेलाडी भएको र उनले खेलको प्रभावमा आफ्नी आमा र भाइबहिनीको हत्या गरेको स्वीकार गरेका छन्।
दिनको धेरै समय अनलाइन गेम खेल्दा उनलाई केही मनोवैज्ञानिक समस्या देखिन थालेको थियो।
पढाइमा ध्यान नदिने र दिनभर ‘पब्जी’खेलेको भन्दै आमाले छोरालाई बारम्बार गाली गर्ने गरेको प्रहरीले जनाएको छ ।
विज्ञप्तिमा भनिएको छ, ‘घटना भएको दिन नाहिदले केटोलाई गाली गरेकी थिइन् । पछि उसले दराजबाट आमाको बन्दुक निकालेर आमा र उनका अन्य तीन भाइबहिनीलाई गोली हानेर हत्या गरेको स्विकार गरेका छन।
बयानका अनुसार भोलिपल्ट बिहान केटोले चिच्याउदै छिमेकी र पुलिसलाई बोलाए। त्यतिबेला केटोले आफू घरको माथिल्लो तलामा रहेको र कसरी आफ्नो परिवारको हत्या भयो थाहा नभएको प्रहरीलाई बताएका थिए ।
नाहिद मुबारकले आफ्नो परिवारको सुरक्षाका लागि पेस्तोल किनेकी थिइन्। उनीहरुसँग लाइसेन्स पनि रहेको प्रहरीले जनाएको छ ।
बालकले फ्याँकेको नालीबाट पेस्तोल प्रहरीले अझै निकालेको छैन। गोलि हान्दा रगतले लतपतिएको लुगा बरामद गरिएको प्ररीले बताएको छ।
पब्जी खेलले नेपालमा पनि बालबालिका पढाइमा ध्यान नदिने र पढाइमा मन नलागाउने राती बरबराउने हान हान , यता गयो उता गयो जस्ता मनोवैज्ञानिक असर भन्दै अनलाईन पब्जी लगायतका खेल बन्द हुनुपर्ने संसदमा आवाज उठेको थियो। तर बन्द गर्ने नगर्ने बारेमा सरकारले कुनै निर्नय भने गरेको छैन।
