काठमान्डौ – काठमाडौं उपत्यकामा थप ७४५ संक्रमित थपिएका छन्। जसमध्ये काठमाडौंमा ५७०, भक्तपुरमा ५५ र ललितपुरमा १२० जना संंक्रमित थपिएको स्वास्थ्य मन्त्रालयले जनाएको छ। नेपालमा गत २४ घन्टामा थप २ हजार ५ सय २६ जनामा कोरोना पुष्टि भएको छ भने १६ जनाको मृत्यु भएको छ।
स्वास्थ्य मन्त्रालयका अनुसार ६६५५ पिसिआर परीक्षणबाट १६०२ र ४४१८ एन्टिजेन परीक्षणबाट ९२४ जनामा संक्रमण पुष्टि भएको हो। त्यस्तै २४ घन्टामा ८४२५ जना कोरोना संक्रमित निको भएका छन्। मन्त्रालयका अनुसार हाल देशभर ५६ हजार ४५७ जना कोरोनाका सक्रिय संक्रमित रहेका छन्।
