काठमाडौं -अभिनेत्री रेखा थापाले विवाह गरेकी छन् । उनले जाजरकोटका बलराम शाहीसँग केही दिनअघि कोर्ट म्यारिज गरेकी हुन्। बलराम शाही इजरायल बस्दै आएका थिए शाही पर्यटन व्यवसायी हुन् । उनीहरुले काठमाडौं जिल्ला अदालतमा पुगेर विवाह गरेका स्रोतको भनाइ छ ।
रेखा र शाही केही समयदेखि प्रेम सम्बन्धमा थिए । प्रेमको चर्चा चलेपनि रेखाले आगामी वैशाखमा मात्रै विवाह गर्ने बताउँदै आएकी थिइन् ।अभिनेत्री रेखा थापाको यो दोस्रो विवाह हो । यसअघि निर्माता छविराज ओझासँगको वैवाहिक जीवन १० वर्षअघि सम्बन्धविच्छेदमा टुंगिएको थियो ।
२०५६ सालमा चलचित्र ‘हिरो’बाट डेब्यु गरेकी रेखाले थुप्रै चलचित्र खेलिकी छिन भने केहि चलचित्र निर्माण निर्देशन समेत गरेकी छिन। रेखा पछिल्लो समय राजनीतिमा बढी सक्रिय देखिने गरेकी छिन।
