धनगढी – बाजुरामा गोलीले एक जनाको मृत्यु भएको हो।त्रिवेणी नगरपालिका वडा ७ स्थित कोसेडी भन्ने ठाउँमा गोली लागेर स्थानीय सन्दीप ऐडीको मृत्यु भएको हो।
प्रहरीको गोली लागेका २२ वर्षीय ऐडीको घटनास्थलमै मृत्यु भएको वडा नम्बर-७ का वडाध्यक्ष जुद्धबहादुर ऐडीले जानकारी दिए।
प्रहरीको गोली लागेर अरू अन्य दुइ जना घाईते भएका छन्। हातमा गोली लागेर घाइते भएका पर्शुराम उपाध्यायलाई हेलिकप्टरमार्फत उपचारका लागि नेपालगञ्ज लगिएको छ भने अर्का एक पनि घाइते भएका छन् ।
बाजुराका प्रमुख जिल्ला अधिकारी प्रकाशचन्द्र अधिकारीले गोली चले पनि मृत्यु भएको बारे आफूले बुझ्न नसकेको बताए।
