रामेछाप – मोटरसाइकल चोरी गर्ने जिल्ला प्रहरी कार्यालय रामेछापमा कार्यरत प्रहरी जवान उपेन्द्रप्रसाद भण्डारी प्रकाउ परेका छन् ।
दोलखा जिल्ला मेलुङ्ग गाउँपालिकामा स्थायी घर भई हाल जिल्ला प्रहरी कार्यालय रामेछापमा सवारी चालकमा कार्यरत प्रहरी जवान भण्डारीले पार्किङ गरे राखेको मोटरसाईकल चोरी गरेको खुलेको छ।
मन्थली नगरपालिका–१ का कपडा व्यवसायी रमेश नेपालीको पार्किङ्ग गरिराखेको बागमती प्रदेश ०२–०२८प ०९०७ नम्बरको मोटरसाइकल बैशाख १ गते नयाँ वर्षको दिन राति चोरी गरेका थिए ।
सदरमुकाम मन्थली बजारको सडक किनारमा पार्किङ्ग गरि राखेको मोटरसाइकल हराएपछि नेपालीले खोजबिनको लागि प्रहरीमा अनुरोध गरेका थिए ।
मोटरसाइकल धनी नेपालीको उजुरीको आधारमा खोजबिनमा लागेको रामेछाप प्रहरीले हराएको मोटरसाइकले मन्थली नगरपालिका, १ हाटेचौरमा एक घरको कोठाभित्र सबै पार्टपुर्जा झिकेको अवस्थामा फेला पारेको थियो ।
मोटरसाइकलको पाटपुर्जा मात्रै फेला पारेपछि प्रहरीले बजारको सिसिक्यामेराको फुटेज हेर्दा प्रहरी जवान भण्डारीले नै मोटरसाइकल चोरी गरेको देखिएपछि प्रहरी जवान भण्डारीलाई हिरासतमा लिई रामेछाप जिल्ला अदालतवाट ७ दिनको म्याद थप गरी थप अनुसन्धान अघि बढाइएको जिल्ला प्रहरी कार्यालय रामेछापका प्रहरी नायब उपरीक्षक होमबहादुर पराजुलीले जानकारी दिए।
मन्थलीमा यश अघि पनि धेरै मोटरसाईकल चोरी भएका छन । प्रहरीले खोजी गरेपनि ती मोटरसाइकल फेला पर्न सकेका छैन्न । पक्राउ परेका प्रहरी जवानले नै यो चोरी गरेको हुनसक्ने प्रहरी नायब उपरीक्षक होमबहादुर पराजुलीले जानकारी दिए।
