सुर्खेत – बालिकालाई बन्धक बनाएर बलात्कार गरेको आरोपमा सुर्खेत प्रहरीले एक जनालाई पक्राउ गरेको छ ।
पक्राउ पर्नेमा अछामको पञ्चदेवल विनायक नगरपालिका,३ घर भई सुर्खेतको वीरेन्द्रनगर नगरपालिका-३ तातापानी बसेर अटो व्यवसाय गरिरहेका ३६ वर्षका सुरेन्द्रबहादुर शाही छन् ।
एसईईको ग्रेड वृद्धि परीक्षाको तयारी गर्न दैलेखबाट सुर्खेत आएकी १५ वर्षीया बालिकालाई उनले ललाइ फकाइ र डर-धम्की देखाएर वीरेन्द्रनगरकै एक होटलमा बन्धक बनाएर बलात्कार गरेको खुल्न आएको सुर्खेत प्रहरीले जनाएको छ ।
प्रहरीले सुरेन्द्रविरुद्ध अपहरण तथा शरीर बन्धक र जबर्जस्ती करणीसम्बन्धी मुद्दा चलाएर अदालतबाट ५ दिनको म्याद लिएर अनुसन्धान गरिरहेको जिल्ला प्रहरी कार्यालय सुर्खेतका प्रहरी प्रवक्ता डीएसपी लक्ष्मण शाहीले बताए ।
