दाङ – दाङको देउखुरीमा गएराति बस दुर्घटना हुँदा दुई जनाको ज्यान गएको छ ।
ज्यान गुमाउनेमा बर्दियाको गेरुवा गाउँपालिका,१ का ३६ वर्षीय भीमनाथ योगी र मधुवन नगरपालिकाका,२ अमरपुरका ३२ वर्षीय युवराज चौधरी रहेका छन् ।
बर्दियाबाट काठमाडन्डौका लागि छुटेको प्रदेश ३–०१००५ ख ९७१९ नम्बरको बस दाङको लमही नगरपालिकाको रिहार नजिकै दुर्घटना भएको हो ।
बसमा रहेका अरु यात्रुको अवस्थामा सामान्य रहेको इलाका प्रहरी कार्यालय अमिलियाका प्रहरी निरीक्षक लालबहादुर श्रेष्ठले जानकारी दिए। दुर्घटनाको कारण अनुसंधान भैरहेको श्रेष्ठले बताए ।
