कालिकोट -कालिकोटको खाँडाचक्र नगरपालिकामा शुक्रबार नवदुर्गा सामुदायिक वनमा आगलागी हुँदा बाबुछोरीको जलेर घाइते भएको छन् ।
खाँडाचक्र नगरपालिका वडा नम्बर ५ का ५० वर्षीय नन्दलाल चौलागाईं र उनको ११ वर्षीया छोरी हेमन्ती चौलागाईं जलेर गम्भीर घाइते भएका जिल्ला प्रहरी कार्यालय कालीकोटका निमित्त प्रहरी प्रमुख प्रहरी निरीक्षक पोषण थापाले जानकारी दिए ।
थापाका अनुसार नवदुर्गा सामुदायिक वनमा दिउँसो बाख्रा चराउने क्रममा आगलागी हुँदा बाबुसहित छोरी घाइते भएको र आगोका कारणले ५० बाख्रा मरेको भेटिएको छ ।
आगोमा परेर घाइते भएका बाबुछोरीलाई उद्धार गरेर उपचारका लागि जिल्ला अस्पताल कालीकोटमा ल्याइएको छ । जिल्ला प्रहरी कार्यालय स्थानीयले गाउँतर्फ आइरहेको आगो भने नियन्त्रणमा लिएका छन् ।
