काठमान्डौ – चर्चित टेलिभिजन रियालिटी शो ‘कमेडी च्याम्पियनको टिम चढेको गाडी भक्तपुर जागदीमा दुर्घटना परेको छ।
नगरकोटबाट फर्कदै अर्दा १-०२६ ०३५९ नम्बरको कार भक्तपुरको जगाती नजिकको सडकमा अनियन्त्रित भएर रोकिराखेको टिप्परसँग ठोक्किएको थियो ।
दुर्घटनामा सञ्चालक तथा फिल्म निर्देशक विशाल भण्डारी सहित ६ जना घाइते छ्न। दुर्घटनाबाट घाइते हुनेमा निर्देशक भण्डारी, कमेडियन सुशान बस्याल, रजनीश अर्याल, प्रकृति गिरी र पवन भट्टराई रहेका छन् ।
जसमध्ये विशाल भण्डारी र पूजन अधिकारीलाई सामान्य चोट लागेको र सामान्य उपचारपछि उनीहरू डिस्चार्ज भएको प्रहरी स्रोतले बतायो ।
दुर्घटना लगतै उनीहरूलाई मध्यपुर ठिमी अस्पतालमा लगिएको थियो । चार जनाको हाल उपचार भइरहेको बताइएको छ ।
सुशान्त बस्याल, रजनीश अर्याल, प्रकृति गिरी र पवन भट्टराई अस्पतालमा उपचार गराइरहेका छन् । उपचाररत एक जनाको भने अवस्था गम्भीर जनाएको छ । जसमा सुशान्तको अवस्था गम्भीर रहेको श्रोत बताउँछ ।
डिस्चार्ज भएका विशाल भण्डारी र पूजन अधिकारी अहिले जिल्ला प्रहरी कार्यालय भक्तपुरको नियन्त्रणमा छन् । दुवैले कार आफैँले चलाएको भनेर दाबी गरिरहेको र कार कसले चलाएको थाहा नभएका कारण दुवै जनालाई नियन्त्रणमा राखेको छ ।
प्रहरी श्रोतका अनुसार मापसे गरेर गाडी चलाएपछी दुर्घटना भएको खुलेको छ। घटनाको अनुसंधान भैइरहेको छ।
