काठमान्डौ – दूरसञ्चार क्षेत्रको नियामक निकाय, नेपाल दुरसञ्चार प्राधिकरणले टिकटकमाथिको प्रतिबन्ध हटाएको जानकारी गरेको छ ।
१५ दिन अघि मन्त्रिपरिषद्को बैठकले टिकटकको प्रयोगमा लगाइएको रोक हटाउने निर्णय गरेको भए पनि प्राधिकरणले औपचारिक जानकारी गराएको थिएन ।
केही सेवा प्रदायकले सरकारको निर्णयकै आधारमा टिकटिक खुला गरेका भए पनि धेरैले टिकटकमाथिको प्रतिबन्ध हटाएका थिएनन् ।
नेपाल दूरसञ्चार प्राधिकरणले आज सूचना निकालेर सबै इन्टरनेट सेवा प्रदायक र मोबाइल सेवा प्रदायकलाई टिकटकमाथिको प्रतिबन्ध हटाउन निर्देशन दिएको हो ।
टिकटकले सामाजिक सद्भाव भड्काउने काम भएको भन्दै गत वर्ष कार्तिक २७ गते तत्कालीन प्रचण्ड सरकारले प्रतिबन्ध लगाएको थियो । भदौ २१
