जाजरकोट – जाजरकोट कुदुमा गत सोमबार भएको गाडी दुर्घटनामा घाइते भएकामध्ये १ जनाको मृ,त्यु भएको छ ।
भेरी नगरपालिका-७ स्याउली बजारबाट नेपालगन्ज जाँदै गरेको बा ५ ख १८९२ नम्बरको फोर्स गाडी दुर्घटनामा घाइते भएका भेरी-५ का ६६ वर्षीय धर्म चन्दको मृ,त्यु भएको हो ।
सुर्खेतबाट थप उपचारका लागि नेपालगन्ज लाने क्रममा उनको बाँकेको चिसापानी नजिक मृत्यु भएको जिल्ला प्रहरी कार्यालय जाजरकोटका प्रमुख डीएसपी पुरुषोत्तमप्रसाद पाण्डेले बताए । उनका अनुसार मृतक चन्द दुर्घटनामा परेको गाडी चालकका बुवा हुन् ।
दुर्घटनामा २५ जना घाइते भएका थिए । घाइते १५ जनालाई हेलिकप्टर र गाडीमार्फत थप उपचारका लागि प्रदेश अस्पताल सुर्खेत पठाइएको थियो ।
गाडी दैलेख जाने मध्यपहाडी राजमार्गअन्तर्गत कुदुको जिरो प्वाइट नजिक सडकबाट करिब ५० मिटर तल खसेको थियो ।
