भदौ ६ , विरगंज – १ लाख ९० हजार ( भारतीय २ हजारको ९५ थान) नक्कली नोटसहित पर्सा प्रहरीले दुइ जनालाई पक्राउ गरेको छ ।
पक्राउ पर्नेमा पैदल यात्रु बहुदरमाई नगरपालिका-२ वैरियाविताका ३४ वर्षीय दिलीपकुमार साह र वीरगन्ज छपकैया बस्ने ४८ वर्षीय जमिल अख्तर छन् ।
शुक्रबार मध्यान्ह पत्रकार सम्मेलन गरी उनीहरुलाई प्रहरीले सार्वजनिक गरेको छ । कारोबारीले वीरगन्जबाट सीमावर्ती भारतीय बजारतर्फ नक्कली भारतीय रुपैयाँ लगिरहेको विशेष सूचनाको आधारमा प्रहरीले बिहीबार जाँचमा कडाई गरेको थियो ।
।प्रहरी नायव उपरीक्षक अनन्तराम शर्माका अनुसार ३ महिनाको अवधिमा प्रहरीले स्रोत नखुलेको ५ लाख ८० हजार भारु बरामद गरेको जनाए ।
