माघ २१ ,काठमान्डौ – नेपाल आयल निगमले खान पकाउने ग्याँसको मूल्य बढेको बताएको छ ।
एलपी ग्यासको मूल्य वृद्धि बढेको भन्दै निगमले सोमबार राति १२ बजेदेखि लागू हुने गरी ग्याँसमा प्रतिसिलिन्डर रु २५ ले वृद्धि गरेको हो।
यससँगै ग्याँसको मूल्य प्रतिसिलिन्डर रु एक हजार ३ सय ७५ पुगेको छ। यसैगरी निगमले पेट्रोल, डिजेल तथा मट्टीतेलको मूल्यमा प्रतिलिटर रु १ घटाएको छ।
समायोजनसँगै पेट्रोलको मूल्य प्रतिलिटर रु १०९ तथा डिजेल र मट्टितेलको मूल्य प्रतितलिटर रु ९९ कायम गरिएको निगमले जनाएको छ।
निगमले हवाई इन्धनको मूल्य भने यथावत नै राखेको छ।निगमले ‘पेट्रोलियम पदार्थको स्वचालित मूल्य प्रणाली कार्यान्वयन कार्यविधि, २०७१’ अनुसार प्रत्येक १५÷१५ दिनमा पेट्रोलियम पदार्थको मूल्य समायोजन गर्दै आएको छ।
भारतीय आयल निगमले प्रत्येक अङ्ग्रेजी महिनाको १ र १६ तारिखमा पेट्रोलियम पदार्थको नयाँ मूल्यसूची पठाउँदै आएको छ।
पेट्रोलियम पदार्थको खरिद मूल्य केही घटेर आएकाले मूल्य समायोजन गरिएको निगमका प्रवक्ता वीरेन्द्रकुमार गोइतले जानकारी दिए ।
यो संगै मूल्य समायोजन भएपछि भारतमा भन्दा नेपालमा ईन्धन मूल्य सस्तो भएको छ ।
