साउन २७ ,डोटी – डोटीमा घर भत्किदा ४ जनाको मृत्यु भएको छ। डोटीको आदर्श गाउँपालिका,१ बाँझककानी खलगडामा घर भत्किँदा एकै परिवारका चार जनाको ज्यान गएको हो भने पाँच जना घाइते भएका छन् ।
स्थानीय देब बोहराका अनुसार राति करिब एक बजे तिर स्थानीय अन्दाजी ३२ वर्षीय लोगे विकको घर भत्किँदाभत्किएको हो ।
घर भत्किँदा उनकी श्रीमती विष्ना विक, १२ वर्षीय छोरा पारस, छोरीहरु ८ वर्षीया सिर्जना र ४ वर्षीया जेनिसाको मृत्यु भएको हो ।
तेस्तै लोगे विककी आमा पाना विक, सासू झाकरी विक, साला इन्द्र विक र छोरी अस्मिता विक घाईते रहेका छन् ।
पत्थरे पुरानो घर भएका कारण भत्केको हुनसक्ने इलाका प्रहरी कार्यालय आदर्शका इन्चार्ज प्रहरी निरीक्षक बीरबहादुर बुढाऐरले जानकारी दिए ।
केहि दिन देखि परेको लगातारको वर्षाले पुरा घर भत्कीएको हुनसक्ने बुढाऐरले बताए। घाईतेहरुको दिपायल स्थित शैलेश्वरी अस्पतालमा उपचार भईरहेको छ।
घर भत्किदा ठुलो क्षति भएको र चौपायाहरु च्यापिएको हुनाले प्रहरी उद्दारमा जुटेको छ।
