काठमान्डौ – राष्ट्रिय प्रजातन्त्र पार्टीको मतदान आज मध्यरात सम्म हुने देखीएको छ । शनिबार साँझ ७ बजेसम्म करिब ३१ सय मत खसेको निर्वाचन आयोगले जनाएको छ ।
आयोगका अनुसार सबै मतदान सकिन अझै कम्तिमा पनि ६ घण्टा लाग्ने देखिएको छ । मतदान प्रक्रिया चलिरहेको छ । यहि गतिमा हो भने रातिको १ बज्छ होला आयोगका एक समितीले भने ।
राप्रपाको नयाँ नेतृत्व चयनका लागि कुल मतदाता ४ हजार ४६९ रहेका छन् । यसअघि संख्या धेरै भएपनि दावी विरोधपछि निर्वाचन समितिले मतदानको अधिकार पाउने मतदाताको संख्या घटाएको थियो ।
राप्रपाको निर्वाचन प्रक्रियामा २६४ उम्मेदवार रहेका छन् भने नेतृत्वका लागि कमल थापा र राजेन्द्र लिङ्देन चुनावी दौडमा लागि परेका छन।
