जेठ १६ काठमान्डौ – हिजो देखि वेपत्ता भएको तारा एयरको जहाज दुर्घटनाग्रस्त अवस्थामा फेला परेको छ । जहाज मुस्ताङको थासाङ गाउँपालिका २ मा दुर्घटना भएको अवस्थामा फेला परेको हो।
नेपाली सेनाका प्रवक्ता नारायण सिलवालका अनुसार ल्याङखु खोलाको मुहान नजिकको पहाडमा ठोक्किएर टुक्रा-टुक्रा भएको अवस्थामा जहाज फेला परेको छ ।
आइतबार बिहान पोखराबाट मुस्ताङको जोमसोमका लागि उडेको तारा एयरको नाइन एन एईटी कल साइन भएको ट्वीनअटर जहाज सम्पर्कविहीन भएको थियो । सो जहाजमा चालक दलका ३ सदस्यसहित २२ जना सवार थिए । दुर्घटनामा सव्वर सबैको मृत्यु भएको छ।
