चलचित्र ‘कबड्डी कबड्डी कबड्डीले अर्को गीत रिलिज गरेको छ । चलचित्रको दुबो फुल्यो गित सार्वजनिक भयको केहि हप्तामा चलचित्रको अर्को शिर्ष गित खेल्ने हो खेल्ने हो बोलको गित सार्वजानिक भएको हो ।
गीतमा कालीप्रसाद बाँस्कोटा र अनुपम शर्माले स्वर दिएका छन् । गीतको शब्द पनि बाँस्कोटा र शर्माले नै तयार गरेका हुन् ।
बैजु कर्मचार्यको निर्देशनमा बनेको भिडियोमा गायकद्धय कालीप्रसाद र अनुपम फिचर छन् । भिडियोको कन्सेप्ट पनि कालीप्रसाद कै हो । गीतमा संगीत भने श्रृजना सन्नी सुमनले दिएका छन् ।
चलचित्रमा दयाहाङ राई, कर्मा, उपासना सिंह ठकुरी, बुद्दि तमाङ, विल्सन बिक्रम राई, विजय बराल लगायतको मुख्य भूमिका रहेको छ । सिनेमा आर्टको ब्यानरमा बनेको यो चलचित्रलाई रामबाबु गुरुङले निर्देशन गरेका छन् ।
चलचित्रको पटकथा निर्देशक गुरुङ र उपेन्द्र सुब्बाले तयार पारेका हुन् ।मणिराम पोखरेल, अर्जुन कार्की र ओम चन्द्र रौनियारको लगानी रहेको चलचित्रमा रुदेन सदा लोप्चा सह,निर्माताको रुपमा रहेका छन् ।
शैलेन्द्र डी कार्कीले खिचेको चलचित्रलाई सुरेन्द्र पौडेलले सम्पादन गरेका हुन् ।चलचित्र असोज ३ गतेबाट रिलिज हुने छ ।
