जेठ २ रुकुम – रुकुम पूर्वको सिस्ने गाउँपालिका अध्यक्षमा नेकपा माओवादी केन्द्रका कृष्ण रेग्मी निर्वाचित भएका छन् । उनी एमाले,कांग्रेस गठबन्धनका उम्मेदवारलाई पराजित गर्दै पालिका अध्यक्षमा रेग्मी विजयी भएका हुन् ।
रेग्मीले ३ हजार ७७९ मत प्राप्त गरेका छन् । उनका प्रतिस्पर्धी एमाले,कांग्रेस गठबन्धनबाट दत्तबहादुर बस्नेतले ३ हजार ७ सय मत प्राप्त गरेका हुन्।
यस्तै कांग्रेस एमाले गठबन्धनबाट एमालेका गोपाल रेउले उपाध्यक्षमा निर्वाचित भएका छन् । उनले ३ हजार ७६१ मत प्राप्त गरेका छन् । उनका प्रतिस्पर्धी नेकपा माओवादी केन्द्रकी आस्था विकले ३ हजार ४७४ मत प्राप्त गरेकी हुन्।
त्यस्तै पालिका अध्यक्षमा राप्रका उम्मेदवार सुधिर विक्रम शाहीले १७ मत र नेमकिपाका कालो खड्काले ३ मत प्राप्त भएको छ। पुर्वका ८ वडामा ४ वडा माओवादीले जितेको छ ,भने ३ वटा वडा एमाले र एक वाडा कांग्रेसले जितेको छ।२०७४ को स्थानीय तह निर्वाचनमा सिस्ने गाउँपालिकाको अध्यक्ष र उपाध्यक्षसँगै ६ वटा वडा माओवादीले जितेको थियो ।
