काठमान्डौ – घनश्याम भूसाल आज नेकपा एकीकृत समाजवादी प्रवेश गर्दै छन। शुक्रबार दिउँसो २ बजे बानेश्वरस्थित अर्याल होटलबाट भूसालले एकीकृत समाजवादी प्रवेशको घोषणा गर्ने कार्यक्रम तय भएको छ ।
उनलाई एकीकृत समाजवादी पार्टीका अध्यक्ष माधव कुमार नेपालले स्वागत गर्ने छन।
गत असोज २३ मा एमाले परित्याग गरी भूसालले रुपन्देही १ बाट प्रतिनिधिसभा निर्वाचनमा स्वतन्त्र उम्मेदवार बनेका थिए ।
उनलाई तत्कालीन सत्ता गठबन्धनले समर्थन गरेको थियो । तर एमालेका छबिलाल विश्वकर्मासँग पराजित भूसाल एकीकृत समाजवादी प्रवेश गर्ने भएका हुन् ।
