काठमान्डौ – बझाङको प्रदेश सभा क्षेत्र नम्बर १ (क) मा भएकाे उपचुनावमा नेकपा एमालेका उम्मेदवार दमनबहादुर भण्डारी निर्वाचित भएका छन।
एमालेका उम्मेदवार भण्डारी ११ हजार ६ सय १३ मत प्राप्त गरी विजयी भएका हुन। भण्डारी २ सय ६७ मतान्तरसहित विजयी भएको निर्वाचन आयोगले जनाएको हो।
भण्डारीका निकटतम प्रतिस्पर्धी नेपाली कांग्रेसका अभिषेकबहादुर सिंहले ११ हजार ३ सय ४६ मत प्राप्त गरेका छन ।
यस्तै नेकपा (माओवादी केन्द्र) का उम्मेदवार जनकबहादुर बुढाले ३ हजार ८ सय ३१ र नेकपा (एकीकृत समाजवादी) का दिलबहादुर सिंहले २ हजार ५ सय १४ मत प्राप्त गरेको आयाेगले जनाएकाे छ ।
गत शनिबार भएको उपचुनावमा ३० हजारभन्दा धेरै मतदान भएको थियाे ।
यो क्षेत्रमा २०७९ मा भएको चुनावमा यस क्षेत्रमा कांग्रेसका पृथ्वीबहादुर सिंहले १७ हजार १ सय १२ मत ल्याएर निर्वाचित भएका थिए ।
एमालेका अफिलाल ओखेडाले १३ हजार ३ सय ३६ मत ल्याएका थिए । कांग्रेसका पृथ्वीबहादुर सिंहकाे गाडी दुर्घटनामा निधन भएपछि अहिले उपचुनाव भएकाे हाे । बैशाख १७
