जेठ ११ ,काठमान्डौ – २५ औं पटक सगरमाथाको चुचुरोमा पाइला राखेर कीर्तिमानी आरोही कामीरिता शेर्पा आज काठमाडौं फर्किएका छन् ।
उनी २६ औं पटकका लागि आरोहणको लागि आधारशिविर पुगेका कामीरिता शेर्पा बीचमै छाडेर काठमाडौं आएका हुन् । उनलाई काठमाडौं विमानस्थलमा परिवारले स्वागत गरेका छन् ।
स्वागतका लागि श्रीमती, छोरा लगायत उपस्थित थिए । कामिरिताले १३ मे १९९४ मा पहिलो पटक सगरमाथा चुचुरो चुमेका थिए । कामीरिताको नाममा ८ हजार मिटर अग्ला चुचुरोमा सबैभन्दा बढी आरोहण गरेको कीर्तिमान समेत रहेको छ ।
