जनकपुरधाम – एमालेका कार्यकर्ताले धनुषामा राप्रपाका उम्मेदवार माथि संघातिक हमला गरेका छन्। जिल्लाको सबैला नगरपालिका ४ का राप्रपा वडा सदस्यका उम्मेदवार समशुल राइन मियाँमाथि एमालेका नेता कार्यकर्ताहरुले सामूहिक हमला गरेका हुन्।
सोमबार राप्रपा प्रवक्ता मोहन श्रेष्ठले विज्ञप्ति निकालेर राप्रपा वडा सदस्यका उम्मेदवारलाई एमालेका कार्यकर्ताले उम्मेदवारी फिर्ता लिन दबाब दिएको र फिर्ता लिन नमानेपछि उम्मेदवारसहित परिवार माथि नै आक्रमण गरेको उल्लेख गरेका छन्।
मियाको परिवारका सात जना सदस्यमाथि एमालेले आक्रमण गरेको राप्रपाले जनाएको छ ।उक्त घटनामा संलग्नलाई पक्राउ गरि दोषीलाई कडा कारबाही गर्न र घाइतेको उपचारको प्रबन्ध गर्न प्रवक्ता श्रेष्ठको विज्ञप्तिमा माग छ। एमालेका कार्यकर्ताले हिजो मात्र रामेछापमा एक सवारी चालकमाथि कुटपिट गरेका थिए।
