वाग्लुङ – बाग्लुङको ताराखोला गाउँपालिका अध्यक्षमा माओवादी केन्द्रका उम्मेदवार धनबहादुर विक निर्वाचित भएका छन् । नेपाल कम्युनिष्ट पार्टी (माओवादी केन्द्र) का उम्मेदवार धनबहादुर विकले २ हजार २ सय ८५ मत ल्याई विजयी भएका हुन् ।
उनले निकटतम प्रतिद्वन्द्वी स्वतन्त्र उम्मेदवार प्रकाश घर्ती मगरलाई १ सय ९५ मतान्तरले पराजित गरेका हुन् । पराजित प्रकाश घर्ती मगरले २ हजार ९० मत ल्याएका छन् । घर्ती २०७४ सालमा भएको स्थानीय तह निर्वाचनमा अध्यक्षमा निर्वाचित भएका थिए ।
यस्तै उपाध्यक्षमा नेपाली कांग्रेसका भीमबहादुर रोका निर्वाचित भएका छन् ।उपाध्यक्षमा कांग्रेसका रोका ३ हजार ४ सय ३ मत ल्याएर निर्वाचित भएका छन् । उनले एमालेका थममाया घर्तीलाई पराजित गरेका हुन् । घर्तीले १ हजार ५ सय ६१ मत ल्याएकी थिइन् ।
