कार्तिक २१ काठमाडौं- नेपाली कांग्रेसले केन्द्रीय कार्यसमिति समितिको बैठक बोलाएको छ। महाधिवेशन तयारी गर्न कांग्रेसले कार्तिक २८ गते आइतबारका लागि बैठक बोलाइएको हो ।
कांग्रेसका मुख्य सचिव कृष्णप्रसाद पौडेलले महाधिवेशनको तयारीका लागि केन्द्रीय कार्यसमिति बैठक बोलाइएको जानकारी दिए । कांग्रेसले मंसिर २४ गतेदेखि सुरु हुने महाधिवेशनको तयारी गर्नका लागि केन्द्रीय कार्यसमिति बैठक बोलाइएको उनले बताए ।
पार्टी केन्द्रीय कर्यालयमा दिउँसो १ बजेका लागि बोलाइएको बैठकमा केन्द्रीय कार्यसमितिका पदाधिकारी, केन्द्रीय सदस्यहरू तथा आमन्त्रित केन्द्रीय सदस्यहरूलाई बोलाइएको उनले जानकारी दिए ।कांग्रेसको १४ औँ महाधिवेशन मंसिर २४ देखि २६ गतेसम्म काठमाडौंमा हुने गरी मिति घोषणा गरिएको छ ।
