काठमाण्डाै – विवेकशील साझा पार्टीकी बागमती प्रदेशकी पूर्वसंयोजक रञ्जु दर्शनाले किशु कुइँकेलसँग इन्गेजमेन्ट गरेकी छन्। शुक्रबार सामाजिक सञ्जाल ट्वीटरमा फोटो राख्दै रञ्जुले आज देखि जीवनको अर्को एउटा सुन्दर यात्राको शुभारम्भ भएको बताएकि हुन्।
कुइँकेलले पनि इन्गेजमेन्ट भएको जानकारी गराउनु पाउँदा निकै खुसी लागेको बताएका छन्।यसअघि रञ्जुले पार्टीको साधारण सदस्य समेत नरहने गरी राजीनामा दिइसकेकी छन्। विवेकशील साझा पार्टीमा विचारबारे विवाद भएपछि उनले राजीनामा दिएकी हुन्।उनि थप लेख्छिन।
आज देखि जीवनको अर्को एउटा सुन्दर यात्राको शुभारम्भ भएको छ। दियो कलश र गणेश भगवान एवम् परिवारका सदस्यहरु, निकट साथीहरु र सारा ब्राह्मणड साक्षी राखि फुलमाला, टिका कार्यक्रम सम्पन्न गरेका छौं।तपाईहरुको आशीर्वाद र शुभकामनाको लागि हृदय देखि कृतज्ञ ज्ञापन गर्न चाहन्छु।
मायाको यात्रामा एक सशक्त जीवन साथी बनी हरदम साथ दिने मेरो हरेकदिन प्रयास रहने छ किसु (किसु कुईकेल)।तिम्रो जीवनमा, कुईकेल परिवार मलाई खुल्ला हृदयले स्वागत गरेकोमा धेरै धन्यवाद किस।
