काठमाडौं – प्रतिनिधिसभाको उपसभामुखमा नेपाली कांग्रेसकी सचेतक पुष्पा भुसाल निर्वाचित भएकी छन्। एमाले उम्मेदवार विद्या भट्टराईलाई पराजित गर्दै भुसाल निर्वाचित भएकी हुन्। भुसालले १४८ मत प्राप्त गरेकी छिन। त्यस्तै प्रतिद्वन्दी एमालेकी भट्टराईले ९३ मत ल्याइन्।
प्रतिनिधिसभाको यही कार्यकालमा भुसाल दोस्रोपटकको प्रयासमा उपसभामुख बन्न सफल भएकी हुन्। यसअघि भुसाल २०७४ साल चैत २ गते उपसभामुखको प्रतिस्पर्धामा थिइन्। २०७६ माघ ६ गते तत्कालीन उपसभामुख शिवमाया तुम्बाहाम्फेले राजीनामा दिएपछि याे पद अहिलेसम्म खाली रहेकाे थियाे । झन्डै साढे दुई वर्षपछि प्रतिनिधि सभाले उपसभामुख पाएको हो ।
