वैशाख,१५ काठमाडौं – साउदी अरबमा मृत्युदण्डको सजाय पाएका धनुषाका उमेश यादवले क्षमादान पाएका छन् । उनले हत्या गरेका मृतकका परिवारले माफी दिन सहमति जनाएका छन् । योसँगै यादवको ज्यान जोगिने पक्का भएको छ ।
पाकिस्तानी नागरिकको हत्या अभियोगमा यादव सन् २००७ देखि साउदीको जुवेल जेलमा छन् । यादवका पक्षबाट अब पीडित परिवारलाई पाकिस्तानी ३० लाख ब्लडमनी दिनुपर्नेछ ।
यसैत विदेश भूमिमा जेलपरेका नेपाली हरुको मुद्दा नेपाल सरकारले हेर्दिने घोसना गरेको छ , यसर्थ २००७ साल बाट जेलमा रहेका यावदको ब्लड्मनि सरकारले उपलब्ध गराइदिने हो भने सारा नेपालीको मनमा खुसि छाउने थियो ।
यधपी उनलाई सहयोग गर्न चाहानेले प्रभु बैंकको खाता नम्बर.. ४९००१००९१३५८८०००००१ मा जम्मा गर्न सकिने छ ।उनको लागि यादव बचाउ अभियानको लागि ब्लड्मनि संकलन सुरु भयको छ ।
पाकिस्तानको फैसलवादस्थित पीडित परिवारको घरमा पुगेर सरोज यादव नेतृत्वको नेपाली पक्षले माफीका लागि पहल गरेको थियो । ब्लडमनी दिने शर्तमा मृतकका परिवारले यादवलाई क्षमा दिन सहमति जनाएका हुन् ।
११ वर्षअघि यादव पाकिस्तानी नागरिक मोहम्मद लकी वासिफको हत्या आरोपमा पक्राउ परेका थिए । उनलाई अदालतले मृत्युदण्ड दिने फैसला गरिसकेका कारण मृतकका पविारले क्षमा नदिए उमेशलाई बचाउन सकिने अवस्था थिएन ।
उमेशलाई क्षमा दिलाउन ग्रोइङ नेपाल फाउण्डेसनका अध्यक्ष सरोज रायले ठूलो मिहिनेत गरेका थिए । उनी पाकिस्तानी नागरिक लिएर नै पीडित परिवारलाई भेट्न पाकिस्तान पुगेका थिए ।
उनकै अनुरोधमा पीडित परिवारले फैसलावादको अदालतमा पुगेर उमेशलाई माफी दिने र त्यसबापत ब्लडमनी बुझ्ने सहमति जनाएका छन् ।
