जेठ् २२, काठमान्डौ – नेकपा एमालेको माधव नेपाल पक्षका स्थायी कमिटीको बैठक सुरु हुँदै छ ।
नेपाल पक्षले आज १ बजे बस्ने गरि बोलाएको स्थायी कमिटीको बैठक केही छिनमा सुरु हुने श्रोतले जनाएको हो ।
सो पक्षले दुई केन्द्रीय कमिटीको दुई दिने बैठकलगत्तै नेपाल पक्षले शनिबार स्थायी कमिटीको बैठक बोलाएको हो।
आज दिउँसो बोलाइएको बैठकमा कसरी अघि बढ्ने भन्ने विषयमा छलफल हुने नेपाल समूहका एक नेताले जानकारी दिए।
बिहीबार र शुक्रबार गरी दुई दिनसम्म चलेको नेपाल समूहका केन्द्रीय सदस्यहरुको भर्चुअल बैठकले अध्यक्ष केपी शर्मा ओली पक्षसँग वार्ताको ढोका खुल्ला राख्ने तर वार्ता धेरै नलम्ब्याउने निचोड निकालेको थियो।
