कार्तिक २६ ,काठमान्डौ – पेट्रोलियम पदार्थको मूल्य वृद्धिको विरोधमा नेकपा(एमाले)निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले प्रदर्शन गरेको छ।
अनेरास्ववियुले काठमाडौं प्रदर्शनीमार्गस्थित रत्नराज्यलक्ष्मी क्याम्पस अगाडि विरोध प्रदर्शन गरेको हो भने त्रिचन्द्र कलेजको अगाडि मसाल जुलुस निकालेको हो।
अनेरास्ववियुले तत्काल पेट्रोलियम पदार्थमा गरिएको मूल्य वृद्धि फिर्ता लिन माग गरेको छ।आयल निगमको अत्याचार भित्रभित्रै भ्रष्टाचार, जनतालाई मार्न पाइँदैन लगायत प्लेकार्ड बोकेर प्रदर्शन गरेका थिए।
यसअघि बिहीबार अनेरास्ववियुले प्रधानमन्त्री शेरबहादुर देउवाको पुत्ला दहन गरेको थियो।नेपाल आयल निगमले गत बुधबार रातिदेखि लागु हुनेगरी डिजेल तथा पेट्रोलमा ३/३ रुपैयाँ र एलपी ग्यासमा ७५ रुपैयाँ प्रतिसिलिण्डर मूल्य वृद्धि गरेको थियो। निगमले गत १२ गते पनि पेट्रोलियम पदार्थममा मूल्य वृद्धि गरेको थिय।
