मंसिर १३ ,बेनी- म्याग्दीमा जिप दुर्घटना हुँदा दुई जनाको मृत्यु भएको छ भने ६ जना घाईते भएक छन्। म्याग्दीको रघुगंगा गाउँपालिका-१ बेगमा सोमबार साँझ ग१ज ७२५१ नम्बरको जिप दुर्घटना भएको हो।
बेनीदेखि बेगको सिम जाँदै गरेको उक्त जिप औला भन्ने ठाउँमा दुर्घटना हुँदा खिमु पुन र खिमानन्द शर्मा नाम गरेका २ जनाको घटनास्थलमै मृत्यु भएको जिल्ला प्रहरी कार्यालय म्याग्दीले जनाएको हो।
प्रहरी नायव उपरीक्षक श्यामकुमार राइका अनुसार मृतकको ठेगाना र उमेर खुलेको छैन । चालक दुतबहादुर थापा, वडा सदस्य गौमाया बिक लगायत छ जना घाइतेहरुलाई उपचारका लागि बेनी ल्याइँदैछ।
जिप सडक देखि करिब तीन सय मिटर तल खसेको प्रहरीले जनाएको छ। स्थानीयबासी र सुरक्षाकर्मीको टोलीले घाइतेको उद्धार गरेका थिए। दुर्घटनाको कारण भने नखुलेको र अनुसन्धान भईरहेको प्रहरीले जनाएको छ।
