पुस ३० काठमान्डौ – श्रीलंकामा चङ्गा उडाउने एक व्याक्तीलाई चङ्गालेनै आकसमा उडाएको भिडियो अहिले सामाजिक सञ्जालमा निकै भाइरल बनिरहेको छ ।
श्रीलंकाको जाफ्नास्थित पोइन्ट पेड्रोमा आयोजित चङ्गा उडाउने प्रतियोगिताका क्रममा खिचिएको भिडियो भाइरल बनेको हो ।
भिडियोमा एउटा ठूलो चङ्गा उडाउन लाग्दा नदरस मनोहरनलाई चङ्गाले तानेर ३० फिटमाथि सम्म पुर्याएको देख्न सकिन्छ ।प्रतियोगितामा मनोहरनसहित ६ जनाको एक टोलीले जुटको डोरीसहितको एउटा ठूलो चङ्गा उडाउने प्रयास गरेका थिए ।
चङ्गा आकाशमा विस्तारै उड्न थालेको थियो र मनोहरनले डोरी समातेर तलमाथि गरिरहेका थिए । त्यहि क्रममा चङ्गाको गति तीव्र बन्दा उनी डोरीसँगै ३० फिटमाथि पुगेका हुन् ।
उक्त दृश्य क्यामेरामा कैद गरिएको थियो । झण्डै १ मिनेट लगाएर मनोहरनलाई जमिनमा ओरालिएको थियो ।चङ्गाको डोरी समातेर उडाउने क्रममा मनोहरनलाई चङ्गाले नै तानेको हो ।
झण्डै १२ मिटरमाथि चङ्गासँग आकाशमा उडेका उनलाई साथीहरूले निकै जोड गरेर जमिनमा तानेका थिए । आकाशबाट जमिनमा ओर्लादा सामान्य चोट समेत लागेको थियो।
