दाङ्ग – रुकुमबाट नेपालगंज आउदै गरेको गाडी सल्यानमा दुर्घटनामा हुँदा १२ जना घाइते भएका छन् । दुर्घटनामा ३ जना गम्भीर घाइते भएका छन् ।
सोमबार दिउँसो रुकुमबाट नेपालगंज जाँदै गरेको लु २ ख ५७३१ नम्बरको गाडी राप्ती राजमार्ग अन्तर्गत सल्यानको कपुरकोट नजिकै दुर्घटनामा परेको हो ।
सल्यानका प्रहरी प्रमुख डिएसपी दामोदर केसीले दुर्घटनाका १२ जना घाइतेलाई उद्धार गरिएको जानकारी दिए । ती मध्य ३ जना गम्भीर घाइते भएको उनले बताए ।
घाइते सबैलाई उपचारका लागि दाङस्थित राप्ती प्रादेशिक अस्पताल तुलसीपुर तर्फ लगिएको छ ।गाडी सडकबाट करिब २ सय मिटर तल खसेको छ । प्रहरीले घटनाबारे थप अनुसन्धान गरिरहेको छ।
