काठमान्डौ – मोरक्कोमा भूकम्पमा परेर ज्यान गुमाउनेको संख्या २ हजार जना नाघेको छ । अहिलेसम्म २ हजार बढीको जनाको शव भेटिएको बीबीसीले जनाएको छ ।
भग्नावशेषमा पुरिएकाहरुको खोजी भइरहेको मोरक्को सरकारलाई उद्धृत गर्दै बीबीसीले जनाएको छ भने हजारौं घाइतेहरुको अस्पतालमा उपचार भइरहेको छ।
शुक्रवार राति हाइ एट्लस माउन्टेन्स’ केन्द्र विन्दु बनाएर ६ दशमलव ८ रेक्टर स्केलको भूकम्प गएको थियो।
स्थानीय समय अनुसार राति ११ बजेर ११ मिनेटमा भूकम्प गएको हो । त्यसको १९ मिनेटपछि ४ दशमलव ९ रेक्टर स्केलको परकम्प गएको थियो ।
भवनको भग्नावशेषमा मान्छे पुरिएको आशंकामा खोजी भइरहेको छ । मानिसहरु सडकमा बसिरहेका छन् । त्यस्तै मोरक्को सरकारले तीन दिने शोक दिवस मनाउने घोषणा गरेको छ।एजिन्सि
