काठमान्डौ – अहिले सत्ताको नेतृत्व गरिरहेको नेकपा (एमाले)ले आज सडकमा शक्ति प्रदर्शन गर्दैछ । एमालेले आज काठमाडौंको भद्रकालीबाट ‘जागरण सभा’ सुरु गर्न लागेको हो ।
जागरण सभा दरबारमार्गमा १२:३० बजे हुने जनाईएको छ । भद्रकालीबाट शुरू हुने जुलुस न्युरोड , वीर हस्पिटल, रत्नपार्क, त्रिचन्द्र क्याम्पसको अगाडिबाट दरबारमार्गमा पुगेर कोणसभामा परिणत हुनेछ ।
काठमाडौं, ललितपुर र भक्तपुर ३ जिल्लाको संयुक्त आयोजनामा हुने सभामा १ लाख नेता कार्यकर्ता उतार्ने दाबी एमालेको छ ।
जागरण सभा संयोजन समितिका संयोजक डा. राजन भट्टराईले अराजकताविरुद्ध र स्थिरताको पक्षमा जनमत निर्माणका लागि जागरण सभा गर्न लागेको जानकारी दिएका हुन। मंसिर ७
