suekhet
bheriad

क्यान्सर परीक्षणमा बैज्ञानिक को नया उपलब्धि

lekabesi

लण्डन — अमेरिकाको जोन हप्किन्स विश्वविद्यालयका वैज्ञानिकहरूले एउटै रगत परिक्षणबाट विभिन्न ८ प्रकारका क्यान्सर भएनभएको पत्ता लगाउने परिक्षणको विकास गरेको बताएका छन् ।

क्यान्सरले विकराल रुप लिनु अगावै यस परिक्षणबाट पत्ता लाग्ने वैज्ञानिकहरुको दाबी छ।

वैज्ञानिकहरुले एक हजार क्यान्सर रोगीका रगतको नमुना परीक्षणमा आठ किसिमका क्यान्सर पत्ता लाग्छ कि लाग्दैन भनेर हेरेका थिए। क्यान्सर रोग पत्ता लगाउन गरिएको नयाँ रगत परीक्षणले शरीरका अन्य भागमा फैलिनु अघि आठ किसिमका ट्युमरहरू पत्ता लगाउन सक्ने देखिएको छ। उक्त परिक्षणबाट ७० प्रतिशतमा क्यान्सर रहेको पत्ता लागेको थियो।१ हजार पाँच जना क्यान्सरका बिरामीमागरेको अध्ययनले कलेजो, पेट, छाती, स्तन, पित्त थैली लगायतमा क्यान्सर भएको पत्ता लागेको थियो।

‘क्यान्सर सिक’ भनिने उक्त परीक्षणको सीमा बढाएर आममानिसको सहज पहुँचमा पुर्‍याउन सकिने ‘साइन्स’ जर्नलमा प्रकाशित रिपोर्टमा भनिएको छ। यो परीक्षण गर्न प्रति व्यक्ति ५ सय डलरभन्दा कम खर्च लाग्ने बताइएको छ।