Simta
Simta

सहमति पछि चेककाट्ने बेलामा किचलो गरे शम्भु प्रधानले ,,

चैत १४ – गीत चोरी प्रकरणमा कृ निर्माता सुवास गिरीले प्रहरीको रोहबरमा निर्देशक शम्भु प्रधानलाई ११ लाख रुपैयाँ क्षतिपूर्ति तिर्ने सहमति गरे । तर, चेक काट्ने बेला शम्भुले किचलो झिकेपछि विवाद लम्बिएको छ ।शम्भुको जाहेरीका आधारमा महानगरीय प्रहरी परिसर टेकुले मंगलबारा गिरीलाई पक्राउ गरी हिरासतमा राखेको थियो । बुधबार दुवै पक्षबीचको छलफलमा सुवासले शम्भुलाई ११ लाख रुपैयाँ दिने र यूट्यूवबाट गीत हटाउने सहमति भयो । त्यसमा दुवैले हस्ताक्षर पनि गरिसकेका थिए ।

Simta

तर जब पैसा तिर्ने कुरा आयो, शम्भुले आफ्नो फिल्म कम्पनीको नामबाट जाहेरी दिएकाले कम्पनीकै नाममा चेक काट्नु पर्ने कुरा उठ्यो । तर ,शम्भुले मानेनन् कम्पनीका कागजातहरु दार्जिलिङमा रहेको र ल्याउन १५ दिन लाग्ने भन्दै उनले आफ्नै व्यक्तिगत नाममा चेक काट्नुपर्ने अडान लिए ।तर, व्यक्तिगत नाममा चेक काट्दा १५ प्रतिशत टिडीएस काटेर दिने कुरा उठ्यो । त्यसमा पनि प्रधान सहमत भएनन् । त्यसपछि उनी सन्किँदै हिँडे ।

कृ का अर्का निर्माता भुवन केसी पनि टेकुस्थित महानगरीय प्रहरी परिसरमा पुगेका छन् । यसैगरी अशोक शर्मा, दिनेश राउत, आकाश अधिकारी लगायतका थुप्रै कलाकर्मीहरु छन् । उनीहरु सबैले शम्भुलाई सम्झाउने प्रयास गर्दा पनि शम्भु नमानेर हिँडेका छन् ।